İnternetdə Tesla elektromobillərində olan avtopilot sistemi haqqında çoxlu sayda müsbət rəylərə rast gəlmək olar. Bir çoxları hətta Tesla-nın avtopilot sistemini dünyanın ən yaxşı avtopilot sistemi hesab edirlər. Consumer Reports şirkətinin tədqiqatına əsasən isə bu heç də belə deyil. Şirkətin apardığı testlər nəticəsində məlum olub ki, hal hazırda bazarda ən yaxşı avtopilot sistemi General Motors şirkəti tərəfindən hazırlanmış Super Cruise adlı avtopilot sistemidir. Bu barədə Reuters saytı xəbər verib. Hələ 2018-ci ildə Super Cruise sisteminə sahib Cadillac CT6 avtomobili fərdi avtopilota sahib Tesla Model 3-dən daha yüksək xal yığmışdı. Lakin həmin ildə Consumer Reports mütəxəssisləri avtopilot sisteminə sahib 4 avtomobili test etmişdilər. Şirkətin yeni tədqiqatında isə avtopilot sisteminə sahib 17 avtomobil iştirak edib.

Tesla Model Y isə 57 xal toplayaraq ikinci yerdə qərarlaşıb. Beləliklə məlum olub ki, hal hazırda bazarda ən yaxşı avtopilot sistemi məhz General Motors şirkətinin sistemidir. Üçüncü yeri Lincoln Corsair avtomobili tutub. Bu avtomobil Ford şirkəti tərəfindən hazırlanmış FN Co-Pilot adlı avtopilot sistemi ilə təchiz olunub və testlər nəticəsində o, 52 xal toplayıb. Tədqiqatçılar qeyd ediblər ki, Tesla-nın avtopilot sistemi bəzi vəziyyətlərdə anidən deaktiv ola bilir. Super Cruise sistemi isə sürücüyə əvvəlcədən xəbər verir ki, o, yola nəzarət etməlidir. General Motors təmsilçiləri bildiriblər ki, onlarda olan avtopilot sisteminin əsas üstünlüyü ondan ibarətdir ki, o, avtomobil salonunda olan infraqırmızı kamera ilə sinxronlaşdırılıb.Həmin infraqırmızı kamera isə sürücüyə tərəf istiqamətlənərək sürücünün yola nəzarət edib-etmədiyini təyin edə bilr. Növbəti 3 il ərzində General Motors şirkəti Super Cruise sistemini 20-dən çox avtomobilə inteqrasiya etməyi planlaşdırır. Onların arasında həmçinin bir neçə müddət bundan öncə təqdim edilmiş elektrikli Hummer EV pikapı da var. Onu da bildirmək lazımdır ki, bir nüçə gün bundan öncə Tesla özünün yenilənmiş avtopilot sisteminin beta testinə start vermişdi. Buna görə də Consumer Reports şirkətinin testlərində Tesla-nın avtopilot sisteminin hansı versiyasının iştirak etdiyi məlum deyil.

(c)technote