Böyük Britaniyada avtomobil istehsalının həcmi 1954-cü ildən bəri ən aşağı səviyyəyə enib.

Fins.az “Reuters”ə istinadən verdiyi məlumata görə, bu ilin birinci yarısında avtomobil istehsalı illik müqayisədə 40%-dən çox azalaraq 381 000 avtomobil təşkil edib və son 66 ilin antirekordunu yeniləyib. Zavodlar və salonlar mart ayında COVID-19 pandemiyası səbəbindən bağlanmışdı və may ayında tədricən öz fəaliyyətlərini bərpa etməyə başladılar.

Qeyd edək ki, ölkədəki avtomobil istehsalçıları və satıcıları birliyinin proqnozuna görə, bu il ölkədə ümumilikdə 880 000-dən çox avtomobil buraxılacaq ki, bu da son 60 ilin en pis göstəricisi olacağı gözlənilir.