Avtomobil satıcıları böhran vaxtı necə çalışırlar

Fins.az xəbər veirr ki, böhranı itkisiz yola vermək üçün dilerlər onlayn satış və işlənmiş avtomobillərin satışı ilə məşğuldurlar.

Pandemiya demək olar ki, diler mərkəzlərin işini dayandırıb. Ekspertlərin sözlərinə görə, pandemiya dövründə çıxış yolu tapmayan dilerlərin vəziyyəti lap pisdir. “Fresh Auto” kompaniyasının təsisçisi Denis Miqal deyir ki, kim bu dövrə adaptasiya oluna bildisə, itkiləri o qədər də çox olmayacaq.

Onlayn satışı yaxşı etmək üçün diler oflayn işi yaxşı görməlidir. Onlayn – şəffaf , keyfiyyətli prosesdir. Əgər məhsulun detalları haqqında tam məlumat yoxdursa, onlayn heç nə sata bilməyəcəksiz. Müştəri sizin məhsul haqqında az bilgiyə sahib olduğunuzu görürsə, o sizdən heç nə almayacaq. Yox, əgər müştəriyə göndərdiyiniz məhsulun şəkli, təsviri, detallar haqqında məlumat geniş yazılıbsa, uğur qazanmağınıza maneə törədəcək heç nə qalmır.

Tuncay Türbəndəzadə