İstər işgüzar səfərlər, konfranslar, istərsə də ailəvi istirahət zamanı rahatlığımız üçün avtomobilə ehtiyac yaranır. Bəzən isə öz şəxsi avtomobilimiz yararsız vəziyyətdə olduqda yaxud da digər müxtəlif səbəblərdən dolayı avtomobil icarəsi təklif edən şirkətlər köməyimizə çatır. Lakin bu şirkətlərdən avtomobili müvəqqəti əldə etmək üçün bir neçə tələbləri qarşılamalısınız. Belə ki, bunun üçün şirkətlərin bəzisi 21 yaşdan, bəziləri isə 24 yaşdan yuxarı şəxslərə icarə maşınlar verirlər. Bu maşınlardan istifadə etmək üçün isə şübhəsiz ki, sürücülük vəsiqəsinin olması başlıca şərtdir. Lakin sürücülük vəsiqəsinin olması kifayət deyil, bundan əlavə minimum 1-2 il sürücülük təcrübənin olması gərəklidir. Həmçinin depozitin qoyulması də tələb olunan hallardandır ki, bu isə şirkətin hər hansı qəza hadisəsi baş verdiyi haldan sığortalanması üçündür. Qeyd etmək yerinə düşər ki, bu şirkətlər maşınları minimum 2 və ya 3 günlük icarəyə  verir. 

Bəs hansı şirkətlər daha sərfəli şərtlərlə avtomobil icarəsi təklif edir? Qiymətlər icarənin müddətindən, maşının modelindən və ilindən asılı olaraq dəyişir. Müddət artıqca bir gün üçün icarə qiyməti də azalır. Fins.az xəbər verir ki, daha sərfəli avtomobil icarəyə verən şirkətlər və onların təklifləri ilə ətraflı Banco.az-ın hazırladğı cədvəldən tanış ola bilərsiniz.

İnfoqrafik: Tahir Əsgərli

Banco.az