Fins.az xəbər verir ki, Tanzaniya, əhalinin orta illik artımı 3% olan dinamik inkişaf edən ölkədir. Hazırda ölkə əhalisinin sayı 68 milyon nəfəri ötür.

Ekspertlərin fikrincə, 2030-cu ilə qədər Tanzaniya daha böyük resurs bazası (kömür, qaz, metallar) və əhəmiyyətli demoqrafik potensialı sayəsində iqtisadiyyatının həcminə görə Keniyanı ödə bilər. Ümumi ÜDM-in az qala 30%-ni təşkil edən və əhalinin dörddə üçünü işlə təmin edən kənd təsərrüfatı, şübhəsiz ki, ölkə iqtisadiyyatında əsas rol oynayır. Bununla belə, bir çox digər Afrika ölkələri kimi, Tanzaniya da ərzaq idxalından, xüsusən də əhalinin qida rasionunda əsas element olan buğdadan çox asılıdır.

Ölkə qarğıdalı istehsalını fəal şəkildə artırır, ümumi məhsul 2022/23-cü illərdəki 5,9 milyon tondan 2023/24 məhsul ilində 7 milyon tona çatır. Bu, əhalinin tələbatını tam ödəyir, qalanı isə xaricə göndərilir.

Daxili düyü istehlakı demək olar ki, tamamilə yerli istehsal hesabına ödənilir və səlahiyyətlilər 2030-cu ilə qədər əkin sahəsini iki dəfə artıraraq 2,2 milyon hektara çatdırmağı planlaşdırır.

Tanzaniyada buğda əkini sahəsi hazırda 60 min hektardır. Lakin hökumətin əvvəllər planlaşdırdığı buğda əkini sahələrini 2025-ci ilə qədər fermerləri kənd təsərrüfatı torpaqları ilə təmin etməklə 400 min hektara çatdırması uğurlu alınmadı ki, bu da güclü quraqlıq və suvarma sistemlərinin olmaması səbəbindən baş verdi.