Aİ Rusiya və Belarusdan taxıl idxalına tariflər tətbiq etməyə hazırlaşır.

Fins.az xəbər verir ki, bu, Rusiya Federasiyasının Ukraynaya genişmiqyaslı işğalından sonra ərzaq məhsullarına qoyulan ilk məhdudiyyət olacaq.

Financial Times-ın məlumatına görə, Aİ Komissiyasının yaxın günlərdə Rusiya və Belarusdan gələn taxıla 95 EUR/t rüsum tətbiq edəcəyi gözlənilir.

Bu tarifin tətbiqi “qiymətlərin ən azı 50% artmasına gətirib çıxaracaq və tələbi məhv edəcək”. Yağlı toxumlara və onların emalı məhsullarına da 50% rüsum tətbiq olunacaq. Nəşrin həmsöhbəti aydınlaşdırıb ki, rüsum Ümumdünya Ticarət Təşkilatının qaydaları ilə icazə verilən maksimum səviyyədə müəyyən ediləcək.

Həmçinin bildirilir ki, 2023-cü ildə taxıl, yağlı bitkilər və onların emalı məhsullarının ümumi idxalı rekord həddə çataraq 4 milyon ton təşkil edib ki, bu da Aİ-nin ümumi istehlakının 1%-ni təşkil edir.

Günel Məlikzadə
Fins.az