“Heyvan kəsimi fəaliyyətinin tənzimlənməsi haqqında” Azərbaycan Respublikası Prezidentinin 2018-ci il 11 iyun tarixli 199 nömrəli Sərəncamının icrası ilə bağlı olaraq baytarlıq-sanitariya və sanitariya-gigiyena normalarına cavab verməyən yerlərdə, küçələrdə, yol kənarlarında satış məqsədi üçün heyvan kəsimi hallarının qarşısının alınması istiqamətində Azərbaycan Respublikası Qida Təhlükəsizliyi Agentliyi (AQTA) aidiyyəti dövlət orqanları ilə birlikdə ardıcıl monitorinqlər, yoxlama-nəzarət tədbirləri həyata keçirir.

AQTA-dan  verilən məlumata görə, aparılan müntəzəm yoxlama-nəzarət zamanı qanunsuz heyvan kəsimi fəaliyyəti ilə bağlı aşkar olunmuş faktlar üzrə məlumatlar Agentlik tərəfindən müvafiq tədbirlərin görülməsi üçün yerli icra hakimiyyəti orqanlarına göndərilsə də, bir sıra heyvan kəsimi məntəqələri qanunsuz fəaliyyətini hələ də davam etdirməkdədir.

2021-ci il 24 iyun tarixində Bakı şəhərinin Pirallahı və Xəzər rayonları üzrə keçirilən monitorinqlər zamanı sanitar-gigiyenik norma və qaydalara əməl olunmadan fəaliyyət göstərən heyvan kəsimi və ət satışı məntəqələrinə dəfələrlə rəsmi xəbərdarlıq edilməsinə və inzibati tədbirlər görülməsinə baxmayaraq, onlardan bəzilərinin qanunsuz fəaliyyəti davam etdirdikləri aşkar olunub.

Həmin qanunsuz fəaliyyət göstərən heyvan kəsimi məntəqələrinin ünvanları aşağıdakılardır:

Pirallahı rayonu üzrə:

1. Bakı şəhəri, Pirallahı rayonu,Səməd Vurğun küç. 14 ünvanında yerləşən, fiziki şəxs Alyarov Səyavuş Müsavi oğluna məxsus heyvan kəsimi məntəqəsi;

2. Bakı şəhəri, Pirallahı rayonu, Kamil Rzayev küç. 40 ünvanında yerləşən, fiziki şəxs Cəfərov Cəfər Eyyub oğluna məxsus heyvan kəsimi məntəqəsi;

3. Bakı şəhəri, Pirallahı rayonu, Kamil Rzayev küç. 6 ünvanında yerləşən, fiziki şəxs Atakişiyev Laçın Atakişi oğluna məxsus heyvan kəsimi məntəqəsi;

4. Bakı şəhəri, Pirallahı rayonu, Əzizbəyov küç.17 ünvanında yerləşən, fiziki şəxs Əliyev Rafiq Bulud oğluna məxsus heyvan kəsimi məntəqəsi;

5. Bakı şəhəri, Pirallahı rayonu, Əzizbəyov küç. 90 ünvanında yerləşən, fiziki şəxs Həsənov Arif Şahlar oğluna məxsus heyvan kəsimi məntəqəsi;

6. Bakı şəhəri, Pirallahı rayonu, Yavər Əliyev küç. 26 ünvanında yerləşən , fiziki şəxs Məmmədli Qoşqar Qnyaz oğluna məxsus heyvan kəsimi məntəqəsi;

7. Bakı şəhəri, Pirallahı rayonu, Süleyman Bağırov küç. 3 ünvanında yerləşən, fiziki şəxs Səfərov Zaur Faiq oğluna məxsus heyvan kəsimi məntəqəsi.

Xəzər rayonu üzrə:

1. Bakı şəhəri, Xəzər rayonu, Zirə qəs., Şirvani küç.3 ünvanında yerləşən, fiziki şəxs Əzimov Oktay İsmayıl oğluna məxsus heyvan kəsimi məntəqəsi;

2. Bakı şəhəri, Xəzər rayonu, Türkan qəs., Xanlar küçəsində yerləşən , fiziki şəxs Bayramov Ənnağı Mahir oğluna məxsus heyvan kəsimi məntəqəsi;

3. Bakı şəhəri, Xəzər rayonu, Zirə qəs., Şirvani küçəsində yerləşən, fiziki şəxs Hüseynov Azər Əmir oğluna məxsus heyvan kəsimi məntəqəsi.

Agentlik bir daha qanunsuz heyvan kəsimi fəaliyyəti ilə məşğul olan şəxsləri qanunvericiliyin tələblərinə əməl etməyə və qanunazidd fəaliyyətdən yayınmağa çağırır.